Qytaı alǵashqy tórt aıda 1,4 trıllıon dollar quraıtyn jańa nesıe berdi

ASTANA.KAZINFORM - 2025 jyldyń alǵashqy tórt aıynda Qytaı jalpy somasy 10,06 trıllıon ıýan (1,39 trıllıon dollar) quraıtyn jańa nesıe bere bastady. Buǵan Qytaı Halyq bankiniń (Ortalyq bank) málimeti dálel, dep habarlaıdy Kazinform tilshisi.

2025 jyldyń alǵashqy tórt aıynda úı sharýashylyǵyna berilgen nesıe 518,4 mıllıard ıýanǵa, al bızneske berilgen nesıe 9,27 trıllıon ıýanǵa ósti.

Alǵashqy tórt aıda Qytaıdaǵy ıýan depozıtteriniń kólemi 12,55 trıllıon ıýanǵa jetti, onyń 7,83 trıllıon ıýany halyq depozıtterinen túsken.

Ortalyq bank atap ótkendeı, aǵymdaǵy jyldyń sáýir aıynyń sońyna qaraı aınalystaǵy qolma-qol aqshany jáne barlyq depozıtterdi qamtıtyn M2 aqsha massasynyń kólemi bir jylmen salystyrǵanda 8 paıyzǵa artyp, 325,17 trıllıon ıýanǵa jetti.

Sonymen qatar, aınalymdaǵy qolma-qol aqshany, talap etý depozıtteri men banktik emes tólem mekemeleri klıentteriniń esepshottaryndaǵy qarajatty qamtıtyn M1 aqsha massasynyń kólemi 109,14 trıllıon ıýan bolyp, ótken jyldyń osy kezeńimen salystyrǵanda 1,5%-ǵa ósti.

Aıta keteıik, Sáýir aıynda Qytaıda eksport 8 paıyzǵa ósken.