Qytaı álemniń túkpir-túkpirinen daryndy adamdardy tartpaq
ASTANA. KAZINFORM - Qytaı premer-mınıstri saıasatty ońtaılandyryp, kadr almasýdy jeńildetetinin aıtyp, sheteldik sarapshylardy Qytaıdyń damýyna tereńirek atsalysýǵa shaqyrdy.
Bul týraly Qytaı premer-mınıstri Lı Tsıan Beıjińde ótken forýmǵa qatysyp, sheteldik sarapshylarmen kezdesip, olardyń Qytaıdyń damýy men úkimet jumysy týraly pikirleri men usynystaryn tyńdaý kezinde aıtty.
Lı Tsıannyń aıtýynsha sheteldik mamandar Qytaıdyń ekonomıkalyq jáne áleýmettik damýyn ilgeriletýde jáne Qytaı men shet elder arasyndaǵy almasý men yntymaqtastyqty damytýda mańyzdy ról atqarady.
«Qytaıdyń damýy - ashyq damý jáne ol álemniń túkpir-túkpirinen kelgen talanttardy qushaq jaıa qarsy alady. Sheteldik mamandar Qytaıdyń damýyna tereńirek atsalysyp, Qytaı úlgisindegi modernızatsııanyń úlken sahnasynda óz talanttaryn tolyq kórsetedi dep úmittenemiz», - dedi Lı Tsıan.
Lı Tsıan, sondaı-aq, Qytaı da saıasatty ońtaılandyryp, zııatkerlik menshik quqyǵy men basqa da quqyqtardy qorǵaýdy kúsheıtip, dúnıe júziniń túkpir-túkpirinen kelgen talanttardyń Qytaıda jumys istep, ómir súrýine jaqsy jaǵdaı jasaıtynyn aıtty.
