Qytaı álemdik JI naryǵynda AQSh-ty basyp ozýy múmkin
ASTANA. KAZINFORM – Qytaı jasandy ıntellekt tehnologııalaryn álemdik aýqymda taratý jáne qoldaný jaǵynan AQSh-ty basyp ozýy yqtımal. Bul týraly Bloomberg agenttiginiń sholýshysy Hel Brends pikir bildirdi, jep habarlaıdy TASS.
AQSh negizinen eń ozyq JI-modelderdi ázirleýge basymdyq berse, Qytaı bul tehnologııalardy ekonomıkanyń jáne memlekettiń kúndelikti jumysyna engizýge kúsh salyp otyr. Sonymen qatar, Qytaı óz ázirlemelerin jekemenshik startaptarda qoldanýǵa ruqsat beredi jáne «Tsıfrlyq Jibek joly» bastamasy men ózge de baǵdarlamalar arqyly JI-modelderin álemge taratýdy kózdeıdi.
Brendstiń pikirinshe, qazirgi tańda JI tehnologııalary jarysynda kósh bastap turǵan AQSh-tyń pozıtsııasy Donald Tramptyń saıasatyna baılanysty ózgerýi múmkin. Máselen, Saýd Arabııasy men BAÁ aýmaǵynda JI ázirleýge arnalǵan amerıkalyq derekter ortalyqtaryn salý kelisimderi bar. Bul ortalyqtar Iran shabýyldarynyń nysanasyna aınalýy múmkin jáne JI jasaýǵa qajetti eń jańa jartylaı ótkizgishterdiń Qytaıǵa zańsyz ótý qaýpin týǵyzady.
Avtordyń aıtýynsha, Tramp qazirdiń ózinde qytaılyq tehnologııalardyń damýyna yqpal etken. Ol amerıkalyq Nvidia kompanııasyna Qytaıǵa chıp satýyna múmkindik berdi. 9 tamyzda AQSh Saýda mınıstrliginiń ónerkásip jáne qaýipsizdik bıýrosy Nvidia-ǵa H20 chıpterin Qytaıǵa jetkizýge lıtsenzııa berdi. Buǵan deıin Tramp QHR-ǵa tehnologııa eksportyn shekteýdi saýda kelisimine qol jetkizý úshin ýaqytsha toqtatqan edi.
Sonymen birge, 24 shildede AQSh prezıdenti eldegi JI tehnologııalaryn damytýǵa jáne olardyń negizinde jasalǵan túrli ónimderdi eksporttaýdy arttyrýǵa baǵyttalǵan úsh atqarýshylyq jarlyqqa qol qoıdy.
Aıta ketelik Premer-mınıstr Oljas Bektenov Memleket basshysynyń jasandy ıntellektini damytý jónindegi tapsyrmalaryn júzege asyrý máseleleri boıynsha jıyn ótkizdi.