Qytaı AQSh-tyń áreketterine qatysty saýda kedergilerin tekserýdi bastady
ASTANA. KAZINFORM – Qytaı AQSh-tyń jahandyq óndiristik jáne jetkizý tizbekterine yqpal etetin sharalaryna baılanysty saýda kedergilerin tekserýdi bastady, dep habarlaıdy Sınhýa.
QHR Saýda mınıstrliginiń málimetinshe, tekserýler AQSh tarapynan jetkizý tizbekterin buzý jáne «jasyl» ónimder saýdasyna kedergi keltirý yqtımaldyǵyna qatysty júrgiziledi.
Buǵan deıin AQSh-tyń Saýda ókili keńsesi Qytaı men birqatar elge qatysty «artyq óndiristik qýat» degen negizben 301-bap boıynsha tekserý bastaǵan. 12 naýryzda Qytaı jáne taǵy 15 ekonomıkaǵa qatysty alǵashqy tekserý jarııalansa, 13 naýryzda taǵy 59 eldi qamtıtyn qosymsha tekserý bastalǵan.
Qytaı tarapy bul qadamdarǵa «qatań narazylyq» bildirip, olardy qabyldamaıtynyn málimdedi.
– Qytaıdyń tıisti salalarynyń múddelerin qorǵaý úshin biz eki tergeý bastadyq, – dedi vedomstvo ókili.
Tekserý Qytaıdyń syrtqy saýda týraly zańyna jáne syrtqy saýda kedergilerin zertteý erejelerine sáıkes júrgiziledi. Mınıstrlik nátıjelerine qaraı tıisti sharalar qabyldaıtynyn málimdedi.
Aıta keteıik, EO-nyń Qytaıdan kólik ımporty alǵash ret eksporttan kóp boldy.
