Qytaı AQSh-tyń 56 kompanııasyna saýda shekteýin engizdi
ASTANA.KAZINFORM - Qytaı dúısenbi kúni 56 AQSh kompanııasyna qarsy aýqymdy saýda shekteýin engizdi, dep habarlaıdy Kazinform agenttiginiń Beıjińdegi tilshisi.
Qytaı Saýda mınıstrligi eksporttyq baqylaý tizimine 10 AQSh sýbektisin qosty.
Kez kelgen elden nemese aımaqtan kelgen uıymdar men jeke tulǵalarǵa Qytaıda jasalǵan qos maqsatty ónimderdi osy 10 sýbektige berýge de tyıym salynady. Barlyq baılanysty áreketter dereý toqtatylýy kerek.
Saýda mınıstrliginiń resmı ókili atap ótkendeı, bul shara AQSh úkimetiniń «Qytaı áskerı kompanııalary» dep atalatyn tizimine qytaılyq kásiporyndardyń kóbirek sanyn engizý jónindegi áreketterinen keıin qabyldandy.
Sol kúni QHR Qarjy mınıstrligi Memlekettik satyp alýǵa qatysatyn uıymdarǵa 46 amerıkalyq kásiporynnyń ónimderin satyp alýǵa tyıym saldy.
Eki sheshim de 2026 jyldyń 22 maýsymynda kúshine endi.
Buǵan deıin Qytaı AQSh-tyń 10 kompanııasyna eksporttyq shekteý engizgenin habarlaǵan edik.
