Qytaı AQSh-tyń 28 kompanııasyna shekteý qoıdy

ASTANA. KAZINFORM — Qytaı Halyq Respýblıkasynyń Saýda mınıstrligi 28 amerıkalyq kompanııaǵa qatysty qos maqsattaǵy ónimderdi jetkizýge shekteý qoıdy.

TASS málimetinshe, tıisti málimdeme retteýshiniń saıtynda jarııalandy.

— Qytaı Halyq Respýblıkasynyń «Eksporttyq baqylaý týraly» Zańyna jáne Qytaı Halyq Respýblıkasynyń qos maqsattaǵy taýarlardyń eksporttyq baqylaýy týraly erejelerine sáıkes, Qytaıdyń ulttyq qaýipsizdigi men múddelerin qorǵaý maqsatynda, sondaı-aq halyqaralyq mindettemelerdi oryndaı otyryp, Qytaı tarapy 28 amerıkalyq kompanııany eksporttyq tizimge baqylaýdy engizý týraly sheshim qabyldady, — delingen vedomstvo habarlamasynda.

Anyqtalǵandaı, 2025 jyldyń 2 qańtarynan bastap Qytaı Halyq Respýblıkasynyń Saýda mınıstrliginiń arnaıy ruqsatynsyz osy kompanııalardyń múddesi úshin qos maqsattaǵy qytaı ónimderin eksporttaýǵa tyıym salynady. Shekteý sharalaryna jatatyn kompanııalardyń tizimine General Dynamics, Lockheed Martin Corporation, Boeing Defence, Space & Security jáne basqa da AQSh kompanııalary kiredi.

Buǵan deıin habarlaǵanymyzdaı, Qytaıdyń Qazaqstandaǵy jańa Tótenshe jáne Ókiletti elshisi Astanaǵa keldi.