Qytaı AQSh-ty kompanııalaryna qysym kórsetýdi toqtatýǵa shaqyrdy

ASTANA.KAZINFORM - Amerıkalyq tarap eksportty baqylaý quraldaryn teris paıdalanyp, zańsyz birjaqty sanktsııalar engizýde. Bul týraly sársenbi kúni Qytaı Syrtqy ister mınıstrliginiń resmı ókili Go Tszıakýn málimdedi, dep habarlaıdy Kazinform.

- Biz amerıkalyq tarapty ulttyq qaýipsizdik tujyrymdamasyn jalpylaýdy toqtatýǵa, saýda-ekonomıkalyq jáne ǵylymı-tehnıkalyq máselelerdi saıasılandyrýdy jáne qarý retinde paıdalanýdy toqtatýǵa, sondaı-aq sanktsııalar tizimi arqyly qytaılyq kásiporyndardy negizsiz basyp-janshýdy toqtatýǵa shaqyramyz, - dedi Qytaı dıplomaty.

Qytaı Syrtqy ister mınıstrliginiń resmı ókiliniń aıtýynsha, «Qytaı qytaılyq kompanııalardyń zańdy quqyqtary men múddelerin qorǵaý úshin qajetti sharalar qabyldaıdy».

Aıta keteıik, AQSh Saýda mınıstrligi Qytaı, BAÁ, Ońtústik Afrıka, Iran jáne basqa da elderdiń 80 kompanııasyna «AQSh ulttyq qaýipsizdigi men syrtqy saıasatyna qaıshy keletin» áreketteri úshin eksporttyq shekteýler engizgen bolatyn.

Osyǵan deıin Qytaı Syrtqy ister mınıstrligi Tramp-Pýtın kelissózine pikir bildirgenin jazǵan edik.