Qytaı AQSh tarıfterine baılanysty DSU kóleminde tekserý júrgizilýine bastama kóterdi

ASTANA. KAZINFORM – Qytaı AQSh-tyń «ózara tarıfterine» baılanysty Dúnıejúzilik saýda uıymy sheńberinde tekserý júrgizýge bastama kóterdi, dep habarlaıdy Kazinform agenttiginiń menshikti tilshisi.

- Qytaı 5 sáýirden bastap barlyq saýda seriktesteriniń ımportyna qosymsha 10% baj salyǵyn, sondaı-aq 9 sáýirden bastap Qytaı taýarlaryna bólek 34% baj salyǵyn engizýdi kózdeıtin sharalarǵa qatysty AQSh-pen daýly máseleler boıynsha DSU konsýltatsııalaryn júrgizýge ótinim jiberdi, - delingen Dúnıejúzilik saýda uıymynyń seısenbi kúni keshke jarııalaǵan kommıýnıkede.

Beıjiń bul sharalar AQSh-tyń 1994 jylǵy Tarıfter men saýda jónindegi bas kelisimniń birneshe erejeleri boıynsha qabyldaǵan mindettemelerine qaıshy keledi, sondaı-aq Kedendik baǵalaý týraly kelisim jáne Sýbsıdııalar men ótemaqy sharalary týraly kelisimdi buzady dep sanaıdy.

Konsýltatsııalarǵa suranys DSU-daǵy daýlardy sheshý mehanızmin resmı túrde iske qosady. Konsýltatsııalar taraptarǵa jaǵdaıdy talqylaýǵa jáne is júrgizýdiń kelesi, neǵurlym formaldy kezeńine ótpeı-aq, ózara qolaıly sheshimge qol jetkizýge tyrysýǵa múmkindik beredi. Eger daý 60 kún ishinde sheshilmese, talapker sheshim qabyldaý úshin tórelik alqa qurýdy talap etýge quqyly.

Buǵan deıin AQSh prezıdenti Donald Tramp syrtqy saýda-ekonomıkalyq tájirıbe ulttyq tótenshe jaǵdaı týdyrǵanyn málimdep, AQSh ekonomıkasy men amerıkalyq jumysshylardy qorǵaý úshin jaýap tarıfterin engizý týraly jarlyq shyǵardy. 

Elimizdiń Saýda mınıstrligi Tramptyń jańa baj salyǵyna qatysty málimdeme jasady. 

Álem kóshbasshylary Tramp engizgen tarıfterge qalaı qaraıdy – myna silteme arqyly ótip oqı alasyz.