Qytaı AQSh kompanııalaryna qatysty eksporttyq baqylaýdy toqtatty

ASTANA. KAZINFORM – Qytaı AQSh-tyń 28 fırmasyna qatysty eksporttyq baqylaýyn 90 kúnge jáne senimsiz sýbektiler tizimine engizilgen taǵy 17 amerıkalyq kompanııaǵa qatysty áreketti toqtatty. Bul týraly QHR Saýda mınıstrliginiń málimdemesinde aıtylǵan, dep habarlaıdy Kazinform menshikti tilshisi.

Vedomstvoda atap ótilgendeı, Jenevada (Shveıtsarııa) QHR men AQSh arasyndaǵy joǵary deńgeıdegi saýda-ekonomıkalyq kelissózde qol jetkizilgen konsensýsty júzege asyrý úshin 2025 jyldyń 14 mamyrynan bastap joǵaryda atalǵan sharalardy 90 kúnge toqtatý týraly sheshim qabyldanǵan.

Eske salaıyq, 4 jáne 9 sáýirde Qytaıdyń Saýda mınıstrligi barlyǵy 28 amerıkalyq uıymdy eksporttyq baqylaý tizimine qosyp, olarǵa qos maqsattaǵy taýarlardy eksporttaýǵa tyıym saldy, sondaı-aq taǵy 17 amerıkalyq kásiporyndy senimsiz sýbektiler tizimine engizdi.

Buǵan deıin AQSh pen Qytaı Shveıtsarııadaǵy kelissózder nátıjesinde saýda soǵysy aıasynda bir-birine qarsy engizgen eksporttyq baj salyǵyn 90 kúnge tómendetý týraly kelisimge kelgenin habarlaǵan bolatynbyz.