Qytaı AQSh-qa dron komponentteri men tehnologııalaryn eksporttaýǵa shekteý qoıdy
ASTANA. KAZINFORM — Qytaı 5 tamyzdan bastap AQSh-qa ushqyshsyz ushý apparattaryna qatysty qosarly maqsattaǵy taýarlardy eksporttaýǵa baqylaýdy kúsheıtti. Bul týraly QHR Saýda mınıstrligi habarlady.
Vedomstvonyń málimetinshe, bul shara Qytaıdyń ulttyq qaýipsizdigi men múddelerin qorǵaý, sondaı-aq qarýdy taratpaý salasyn qosa alǵanda, halyqaralyq mindettemelerdi oryndaý maqsatynda qabyldanǵan.
Habarlamada AQSh-qa jetkizýge arnalǵan, eksporttyq baqylaýǵa jatatyn qosarly maqsattaǵy taýarlar tizimine engizilgen drondar, olardyń negizgi komponentteri men tıisti tehnologııalary árbir jaǵdaıda jeke-jeke muqııat qaralatyny aıtylǵan.
Qabyldanǵan sheshimge sáıkes, bul sanattaǵy taýarlardy eksporttaýǵa lıtsenzııa alý rásimin jeńildetý sharalary qoldanylmaıdy.
Eske salaıyq, buǵan deıin Qytaı AQSh-tyń 56 kompanııasyna saýda boıynsha shekteý engizgen edi.
