Qytaı Afrıkaǵa 50 mlrd dollar kóleminde qarjylyq qoldaý kórsetpek

ASTANA. KAZINFORM - 2024 jylǵy Qytaı-Afrıka yntymaqtastyǵy forýmy (FOCAC) sammıti 4-6 qyrkúıek aralyǵynda Beıjińde ótýde.

QHR tóraǵasy Sı Tszınpın 5 qyrkúıekte sammıttiń ashylý saltanatyna qatysty.

Ashylý saltanatynda Sı Tszınpın óz sózinde Qytaı ózimen dıplomatııalyq qarym-qatynasy bar barlyq Afrıka elderimen ekijaqty qarym-qatynasyn strategııalyq qarym-qatynas deńgeıine kótergenin habarlady. Sondaı-aq, ekijaqty birlesken áriptestik jobalardy júzege asyrý úshin Qytaı Afrıkaǵa aldaǵy úsh jylda 360 mlrd ıýan (50 mlrd AQSh dollary shamasynda) qarjylaı kómek kórsetýge ázir ekenin aıtty. 

Dlıa realızatsıı sovmestnyh partnerskıh proektov vlastı Kıtaıa gotovy okazat fınansovýıý podderjký stranam Afrıkı v razmere eı (okolo $50 mlrd) v techenıe sledýıýşıh treh let.

Sı Tszınpın, sondaı-aq, aldaǵy úsh jylda Qytaıdyń Afrıka elderimen on baǵytta yntymaqtastyq júrgizetinin aıtty.

Bul yntymaqtastyq ekonomıka, saýda, aýyl sharýashylyǵy, medıtsınalyq densaýlyq jáne qaýipsizdik salalaryn qamtıtyn bolady.

Buǵan Afrıkaǵa 1 mıllıard ıýannyń shuǵyl azyq-túlik kómegin kórsetý jáne Afrıka elderine 6000 áskerı qyzmetker men 1000 polıtsııa qyzmetkerin daıyndaýǵa kómektesý kiredi.

Sı Tszınpın bul jospardy «Áriptestiktiń on áreketi» dep ataıdy.

— «Áriptestiktiń on áreketin» júzege asyrýǵa járdemdesý maqsatynda Qytaı úkimeti Qytaı men Afrıkanyń ártúrli salalardaǵy praktıkalyq yntymaqtastyǵyna kúshti qoldaý kórsetýge daıyn. — dedi Sı Tszınpın.

Habarlanǵandaı, osy sammıt barysynda Qytaı men Afrıkanyń 53 eli birlese otyryp, «Jańa dáýirdegi barlyq jaǵdaıda ortaq bolashaǵy bar Qytaı-Afrıka qoǵamdastyǵyn birlesip qurý týraly „Beıjiń deklaratsııasy“ jáne „Qytaı-Afrıka yntymaqtastyǵy forýmy — Beıjiń Іs-sharalar jospary (2025-2027 jj.)“ qabyldandy.

Qytaı-Afrıka yntymaqtastyǵy forýmy 2000 jyly quryldy. Oǵan múshe elderge Qytaı, Qytaımen dıplomatııalyq qarym-qatynastary bar 53 Afrıka eli jáne Afrıka Odaǵy komıssııasy, jalpy sany 55 múshe kiredi.