Qytaı Afrıka elderinen baj salyǵyn alyp tastaıdy
ASTANA. KAZINFORM — Qytaı Afrıka elderi úshin keden bajyn birjaqty túrde nólge túsirýdi kózdep otyr. Bul týraly Kazinform agenttiginiń menshikti tilshisi Caixin basylymyna silteme jasap habarlady.
Bul jóninde Qytaı Halyq Respýblıkasynyń Tóraǵasy Sı Tszınpın 14–15 aqpanda Addıs-Abebede ótken Afrıka Odaǵynyń 39-shy sammıti aıasynda óńir elderi kóshbasshylaryna joldaǵan quttyqtaý hatynda málimdedi.
— 2026 jyldyń 1 mamyrynan bastap Qytaı dıplomatııalyq qatynasy bar 53 afrıkalyq el úshin keden bajyn nólge shyǵaratyn rejım engizedi, — delingen Sı Tszınpın habarlamasynda.
Óz hatyna Qytaı Tóraǵasy Afrıka ónimderiniń Qytaı naryǵyna qoljetimdiligin arttyrý maqsatynda «jasyl arna» (green channel) jáne basqa da sharalardy ońtaılandyrý arqyly ekonomıkalyq seriktestik jónindegi kelissózderdi ilgeriletetinin de atap ótti.
BUU Bas hatshysy Antonıý Gýterrısh Pekınniń bul qadamyn joǵary baǵalap, barlyq damyǵan memleketter men ekonomıkalyq áleýeti joǵary elderge uqsas sharalardy qabyldaýǵa shaqyrdy.
Buǵan deıin biz Qytaıdyń Afrıka elderi úshin baj mólsherin nólge túsirý saıasatynyń máni týraly jazǵan bolatynbyz.