Qytaı 74 memleket azamattaryna elge vızasyz kirýge ruqsat berdi

ASTANA. KAZINFORM – Týrısterdi tartý jáne álemdik arenadaǵy el ımıdjin kóterý úshin Qytaı óz eline 74 eldiń azamattarynyń 30 kúnge vızasyz kirýine ruqsat berdi, dep jazdy Anadoly.

Bul týraly QHR Ulttyq kóshi-qon qyzmeti habarlaǵan.

Áýelde vızasyz rejım 2023 jyldyń jeltoqsanynda Frantsııa, Germanııa, Italııa, Nıderland, Ispanııa jáne Malaızııa turǵyndary úshin engizilgen bolatyn. Keıin bul tizim keńeıtilip, oǵan Eýropanyń barlyq elderi, sondaı-aq Azııa, Taıaý Shyǵys jáne Latyn Amerıkasynyń keıbir memleketteri qosyldy.

16 shildede tizimge Ázerbaıjan da kiredi.

Qytaı bıliginiń málimetinshe, 2024 jyly elge vızasyz rejım arqyly kelgen sheteldikterdiń sany 20 mıllıonnan asty. Bul 2023 jylmen salystyrǵanda shamamen eki ese kóp.

AQSh, Kanada, Ulybrıtanııa, Shvetsııa, Reseı sııaqty ózge de birqatar elderdiń azamattary Qytaı arqyly ózge memleketke bara jatqanda ǵana 10 kúnge deıingi vızasyz rejımdi qoldana alady.

Qytaı týrızm akademııasynyń sarapshysy Lıý Sıanıanniń pikirinshe, vızasyz saıasat tek ekonomıkanyń damýyna ǵana emes, memlekettiń sheteldegi bedelin kóterýge de yqpal etedi.

Osyǵan deıin Qazaqstanǵa 87 eldiń azamaty vızasyz kele alatyny týraly jazdyq.