Qytaı 5 jyl ishinde ómir súrý uzaqtyǵyn 80 jasqa deıin arttyrýdy maqsat etip otyr
ASTANA. KAZINFORM – Qytaı 15-shi besjyldyq kezeńinde (2026-2030) ómir súrý uzaqtyǵyn 80 jasqa deıin arttyrýdy josparlap otyr, dep habarlaıdy Kazinform agenttiginiń Beıjińdegi tilshisi.
Tıisti maqsat «Qytaı Halyq Respýblıkasynyń ulttyq ekonomıkalyq jáne áleýmettik damýynyń 15-shi besjyldyq josparyna arnalǵan nusqaýlyq» jobasyna engizilgen. Qujat 5-12 naýryz aralyǵynda Beıjińdegi Halyq jınalystarynyń Úlken zalynda ótip jatqan 14-shi Búkilqytaılyq halyq ókilderi jınalysynyń tórtinshi sessııasynda qarastyryldy.
Ómir súrý uzaqtyǵyn arttyrý úshin josparda «Salaýatty Qytaı» qurylysyn jedeldetý jáne eldi sporttyq derjavaǵa aınaldyrý qajettiligi atalyp ótken.
15-shi besjyldyq josparda qartaıýǵa qarsy kúrestiń mańyzdylyǵy, sonyń ishinde gerıatrııalyq ortalyqtardaǵy meıirbıkelik tósek-oryndardyń úlesin 73%-ǵa deıin arttyrý josparlary da atap ótilgen.
Aıta keteıik, 2025 jyly Qytaıdaǵy ortasha ómir súrý uzaqtyǵy 79 jasqa jetti. Salystyrmaly túrde, Qazaqstanda bul kórsetkish 75,44 jyldy qurady.
Biz buǵan deıin Beıjińde «Eki sessııa» otyrysy bastalǵanyn habarlaǵan edik.
