Qytaı 4 shaqyrym bıiktikte ushatyn jel elektr stansasyn synaqtan ótkizdi
ASTANA. KAZINFORM — Qytaılyq kompanııa álemde alǵash ret ushatyn jel energetıka júıesin qala ishinde synaqtan ótkizdi, ol 4000 metrge deıingi bıiktikte jumys isteı alady, dep habarlaıdy Kazinform agenttiginiń Beıjińdegi menshikti tilshisi habarlady.
Júıe generator ornatylǵan modýli bar gelıı sharynan turady. Tórt shaqyrym bıiktikke kóteriletin stantsııa taý bıigindegi qýatty jelderdi «aýlap», sodan óndirgen elektr energııasyn berik baılanǵan trostar arqyly jerge jetkizedi.
Hýnan provıntsııasynyń ıÝeıan qalasynda júrgizilgen synaqtar júıeni qala ishine ornalastyryp, qaýipsiz elektr energııasyn óndirýge bolatynyn rastady.
Joba avtorlarynyń aıtýynsha, júıeni paıdalaný merzimi 20 jyl. Keń jer men qolaıly jer bederin qajet etetin jel elektr stansalarynan aıyrmashylyǵy sol, áýedegi platformalar kóp jer almaıdy ári kábil tartý qıyn jerlerdi de elektrmen tez qamtýǵa múmkindik beredi.
Eske sala keteıik, buǵan deıin Qytaı ashyq teńizde álemdegi alǵashqy sý asty kún batareıalaryn synaqtan ótkizgenin habarlaǵan edik.
