Qytaı 2031 jyly Marstan topyraq úlgilerin alýdy josparlap otyr

ASTANA. KAZINFORM — Qytaı «Tıanven-3» mıssııasy aıasynda Mars topyraǵynyń úlgilerin alyp, olardy shamamen 2031 jyly Jerge qaıtarýǵa nıetti, dep jazdy Sınhýa aqparat agenttigi.  

Qytaıdyń alys ǵaryshty zertteý zerthanasynyń negizgi ǵylymı maqsaty — Qyzyl ǵalamshardaǵy tirshilik belgilerin izdeý. 

«Tıanven-3» eki ushyrylymy shamamen 2028 jylǵa josparlanǵan. Bul mıssııanyń maqsaty — Marsqa qoný, úlgilerdi jınaý jáne olardy keshendi opreatsııalardyń biri kezinde qaıtarý. Bul jaǵdaıda qoný alańy da synama alý alańyna aınalady. 

Zerthana qyzmetkerleri, onyń ishinde mıssııanyń bas ǵalymy Hoý Tszentsıan men bas konstrýktor Lıý Tszıchjýn «National Science Review» jýrnalynyń qarasha aıyndaǵy basylymynda jarııalanǵan qysqasha maqalasynda ózderiniń zertteý strategııasyn atap ótti. Onda olar «úlgilerdi qaıdan alý kerek», «ne tańdaý kerek», «úlgilerdi qalaı jınaý kerek», «alynǵan materıaldardy qalaı paıdalaný kerek» sııaqty máselelerdi qozǵady.

Olar 86 áleýetti qoný alańyn usyndy. Atalǵan alańdar negizinen Hrıs jazyǵy (Chryse Planitia) jáne Ýtopııa jazyǵynyń (Utopia Planitia) kóne aımaqtarynda shoǵyrlanǵan, olar ejelgi jaǵalaý syzyǵy, ejelgi kólder men kanondar júıeleri sııaqty ártúrli geologııalyq ortalardy qamtıdy. Bul olardyń paıda bolýy men saqtalýy úshin qolaıly jaǵdaı jasaıdy delingen maqalada.

Top bettik synamalardy alý jáne burǵylaý ádisterin qoldana otyryp, bıosıgnatýralardy qalaı anyqtaýǵa, qaıdan tabýǵa jáne qalaı saqtaýǵa bolatynyn anyqtaýǵa ýáde berdi. Olar maqalada sondaı-aq bıosıgnatýralardy anyqtaý úshin arnaıy ázirlengen jańa quraldardy ázirleý qajettiligin atap ótti.

«Tıanven-3» mıssııasy halyqaralyq yntymaqtastyq aıasynda ázirlengen paıdaly júkti tasymaldaıdy jáne Qytaı Mars topyraǵy úlgileri men anyqtaý derekteri boıynsha birlesken zertteýler júrgizý úshin álemniń túkpir-túkpirinen kelgen ǵalymdarmen yntymaqtasady. 

Qytaı sonymen qatar ıÝpıter evolıýtsııasynyń tarıhyn jáne onyń serikteriniń evolıýtsııasyn zertteý úshin «Tıanven-4» mıssııasynyń bóligi retinde ıýpeterıan júıesin zertteýdi josparlap otyr.

Buǵan deıin habarlaǵanymyzdaı, Almatyda Qytaıdaǵy Qazaqstan týrızm jyly jabyldy.