Qytaı 2030 jylǵa qaraı ortasha ómir súrý uzaqtyǵyn 80 jasqa deıin arttyrmaq
ASTANA.KAZINFORM - Qytaı 2030 jylǵa qaraı ortasha ómir súrý uzaqtyǵyn 80 jasqa deıin arttyrýdy josparlap otyr. Salystyrmaly túrde aıtsaq, bul kórsetkish 2025 jyly 79,25 jasty qurady, dep habarlaıdy Sınhýa.
Bul maqsat Qytaı Memlekettik keńesi jarııalaǵan qoǵamdyq densaýlyq saqtaýdy jaqsartýdyń jańa besjyldyq josparynda belgilengen.
Qujatta qoǵamdyq densaýlyq saqtaý júıesin odan ári jetildirý jáne «Salaýatty Qytaı» bastamasyn ilgeriletý talap etiledi.
Bılik medıtsınalyq kómektiń teńgerimdi jáne qoljetimdi bolýyn qamtamasyz etýdi, aýrýlardyń aldyn alý jáne densaýlyq saqtaýdy proaktıvti basqarý týraly halyqtyń habardarlyǵyn arttyrýdy jáne densaýlyq saqtaýdyń negizgi kórsetkishterin joǵary tabysty elderdiń deńgeıine jaqyndatýdy kózdeıdi.
Josparda sondaı-aq qoǵamdyq densaýlyq saqtaý júıesin nyǵaıtý, bastapqy medıtsınalyq-sanıtarlyq kómektiń aýrýlardyń aldyn alý jáne emdeý múmkindikterin arttyrý jáne qoǵamdyq densaýlyq saqtaý qaýipterine jaýap berý mehanızmderin jetildirý talap etiledi.
Sonymen qatar, qujatta salany damytýdyń basym baǵyttary anyqtalǵan, sonyń ishinde adam ómiriniń barlyq kezeńderinde medıtsınalyq kómekti jaqsartý, densaýlyq saqtaý júıesin nyǵaıtý, ıntegratsııalanǵan, joǵary sapaly jáne tıimdi densaýlyq saqtaý júıesin qurýdy jedeldetý, salanyń ósýiniń jańa qozǵaýshy kúshterin damytý jáne qoǵamdyq densaýlyqty saqtaýǵa basa nazar aýdara otyryp, basqarý tıimdiligin arttyrý kózdelgen.
Aıta keteıik, Astana halqynyń ómir súrý uzaqtyǵy 78,8 jasqa jetti.
