Qytaı 2026 jyly úlken spektroskopııalyq teleskopty paıdalanýǵa berýdi josparlap otyr
ASTANA. KAZINFORM – Ekzoplanetalardy izdeýge arnalǵan úlken spektroskopııalyq teleskop (Jiaotong University Spectroscopic Telescope) qurylysyn aıaqtaý jáne paıdalanýǵa berý 2026 jylǵa josparlanǵan, dep habarlaıdy Sınhýa aqparat agenttigi.
Bul teleskop Qytaıdyń soltústik-batysyndaǵy Tsınhaı provıntsııasynyń Lenhý kentiniń janyndaǵy Saıshıten taýynda salynady.
Apertýrasy 4,4 metr teleskop maqsatty derekkózder arasynda jyldam aýysýǵa qabiletti, bul spektrlik baqylaýdy ýaqytynda júrgizýge múmkindik beredi.
Ǵalymdardyń aıtýynsha, bul birneshe salada, sonyń ishinde astronomııa men ekzoplanetalardy zertteýde birqatar serpindi zertteý nátıjelerin beredi dep kútilýde.
«Ol uzaq ýaqyt boıy Qytaıdaǵy eń ozyq spektrlik teleskop bolyp qala beredi», - delingen Shanhaıdyń «Tszıaotýn» ýnıversıtetiniń habarlamasynda.
Bul jabdyq bir ýaqytta kópmaqsatty jáne joǵary dáldiktegi spektrlik baqylaýlardy júrgizýge múmkindik beredi jáne ol osyndaı baqylaý júrgizetin birinshi qural bolmaq. Teleskop ekzoplanetany anyqtaý tıimdiligin aıtarlyqtaı arttyrady dep kútilýde.
