Qytaı 2026 jyly qorǵanys shyǵyndaryn 7%-ǵa arttyrady
ASTANA. KAZINFORM – Qytaıdyń ulttyq qorǵanys shyǵyndary 2026 jyly 7%-ǵa arttyryp, ol shamamen 275 mıllıard dollarǵa jetedi, dep habarlaıdy Kazinform agenttiginiń Beıjińdegi tilshisi.
Bul kórsetkish beısenbi kúni 5-12 naýryz aralyǵynda Beıjińde ótip jatqan 14-shi Búkilqytaılyq halyq ókilderi jınalysynyń 4-shi sessııasynyń ashylýynda usynyldy.
2026 jylǵa arnalǵan bıýdjet jobasy týraly esepke sáıkes, memlekettik qarjylandyrý áskerı kúshterdi nyǵaıtýǵa, ozyq jaýyngerlik múmkindikterdi damytýǵa, ulttyq strategııalyq júıeni jańartýǵa jáne qorǵanys sektory men qarýly kúshterdi jańǵyrtýǵa baǵyttalady.
Atalǵan kórsetkishter áskerı bıýdjettiń ósý qarqynynyń aldyńǵy úsh jyldyq kezeńmen salystyrǵanda azdap túzetilgenin kórsetedi. Qorǵanys shyǵyndarynyń ósýi 2023, 2024 jáne 2025 jyldary 7,2%-dy qurady, dollarmen eseptegende tıisinshe 224 mıllıard dollar, 231 mıllıard dollar jáne 246 mıllıard dollardy qurady.
Buǵan deıin Beıjińde «Eki sessııa» otyrysy bastalǵany, onyń mańyzy týraly habarlanǵan bolatyn. Bul jıynda Qytaı 2026-2030 jyldarǵa arnalǵan damý josparyn qabyldap jatyr.
