Qytaı 2026 jylǵy ǵaryshtyq mıssııasyn jerdi qashyqtan baqylaý spýtnıgin ushyrýmen bastady
ASTANA. KAZINFORM – Qytaı 2026 jylǵa arnalǵan ǵaryshtyq mıssııalar baǵdarlamasyn sátti orbıtalyq ushyrylymmen bastady, dep habarlaıdy Sınhýa.
Eldiń soltústigindegi Shansı provıntsııasynda ornalasqan Taııýan ǵarysh aılaǵynan jerdi qashyqtan baqylaýǵa arnalǵan «ıAogan-50 01» spýtnıgi ǵaryshqa ushyryldy.
Ǵarysh aılaǵynyń málimetinshe, apparat 13 qańtar kúni Beıjiń ýaqytymen saǵat 22:16-da «Chanchjen-6» zymyran-tasyǵyshynyń jańartylǵan nusqasy arqyly ushyrylyp, belgilengen orbıtaǵa sátti shyǵarylǵan.
Atalǵan spýtnık ulttyq jer resýrstaryn monıtorıngteý, aýyl sharýashylyǵy daqyldarynyń ónimdiligin baǵalaý, tabıǵı apattardyń aldyn alý jáne olardyń saldaryn azaıtý maqsatynda paıdalanylatyn bolady.
Bul ushyrylym «Chanchjen» serııasyndaǵy zymyran-tasyǵyshtar úshin 624-shi ushý mıssııasy bolyp otyr. Sonymen qatar ol Qytaıdyń 2026 jylǵy alǵashqy sátti orbıtalyq ushyrylymy retinde tirkeldi.
Aıta keteıik, Qytaı sońǵy jyldary ǵarysh salasyndaǵy baǵdarlamalaryn belsendi túrde keńeıtip, jerdi qashyqtan zondtaý, navıgatsııa jáne ǵylymı zertteýlerge arnalǵan spýtnıkterdi júıeli túrde orbıtaǵa shyǵarýdy jalǵastyryp keledi.
Buǵan deıin qytaılyq CAS Space ǵaryshtyq týrızmge arnalǵan sýborbıtaldy apparatty sátti synaǵanyn jazǵan bolatynbyz.
