Qytaı 2025 jyly rekordtyq saýda profıtsıtine qol jetkizdi

ASTANA. KAZINFORM – Qytaıdyń syrtqy saýda aınalymy 2025 jyly jyldyq máni boıynsha 3,8%-ǵa ósti. QHR Bas keden basqarmasynyń (BKB) málimetinshe, eldiń saýda teńgerimi rekordtyq deńgeıge jetip, shamamen 1,19 trln dollardy qurady, dep habarlaıdy Kazinform menshikti tilshisi. 

QHR ótken jylǵy syrtqy saýdasynyń jıyntyq kólemi 45,47 trln ıýandi (shamamen 6,48 trln AQSh dollar) qurady. Bul rette taýar eksporty 26,99 trln ıýanǵa jetti, bul 6,1%-ǵa ósimdi bildiredi, al ımport 0,5%-ǵa ósip, 18,48 trln ıýandi quraǵan.

Qytaı 240 el jáne aımaqpen saýda qarym-qatynasyn saqtap keledi, bul rette olardyń 190-ymen oń ósim tirkelgen. «Bir beldeý, bir jol» bastamasyna qatysýshy eldermen saýda kólemi 23,6 trln ıýanǵa jetti, ósim 6,3%-ǵa artyp, eldiń jıyntyq syrtqy saýda aınalymynyń 51,9%-yn qamtamasyz etti. ASEAN (8%), Latyn Amerıkasy (6,5%) jáne Afrıka (18,4%) elderimen saýdada da aıtarlyqtaı ósim baıqalǵan.

BKB ókilderi qol jetkizilgen kórsetkishter Qytaıǵa tarıhı rekordtardy jańartýǵa jáne taýar saýdasy sektoryndaǵy jetekshi álemdik derjava retindegi mártebesin rastaýǵa múmkindik bergenin atap ótti.

2026 jylǵa arnalǵan boljamdy baǵalaı otyryp, vedomstvo syrtqy ortadaǵy belgisizdiktiń kútiletin faktorlary jáne halyqaralyq saýda sektoryna qysymnyń jalǵasýyna nazar aýdardy. Sonymen qatar, ulttyq ekonomıkanyń turaqty negizi, onyń artyqshylyqtary jáne joǵary áleýeti ózgerissiz qalatyny, bul ary qaraı turaqty damý úshin negiz jasaıtyny atap ótilgen.

Eske sala ketsek, qazanda QHR Tóraǵasy Sı Tszınpın Ońtústik Koreıanyń Kendjý qalasynda ótken Azııa-Tynyq muhıty ekonomıkalyq yntymaqtastyǵy elderi basshylarynyń 32-shi beıresmı kezdesýinde sóılegen sózinde Qytaımen dıplomatııalyq qatynasta turǵan afrıkalyq memleketterge kedendik bajdardy nólge deıin tómendetýge daıyn ekenin málimdedi.