Qytaı 2024 jyly elektr qýatyn óndirý kólemin ulǵaıtty

ASTANA.KAZINFORM — Qytaıdyń Ulttyq statıstıkalyq bıýrosynyń (NBS) málimetinshe 2024 jyly Qytaıdyń elektr energııasyn óndirýdegi jylý elektr stantsııalarynyń úlesi shamamen 60% qurady, dep habarlaıdy Kazinform agenttiginiń menshikti tilshisi. 

2024 jyldyń sońyna qaraı jylý elektr stantsııalaryndaǵy óndiris 6,344 trln kVt/saǵ (+1,5%) qurady.

Jalpy, Qytaıda óndirilgen elektr energııasynyń kólemi 2024 jyldyń sońyna qaraı 9,418 trıllıon kVt/saǵatqa jetip, 4,6%-ǵa ósti.

Sý elektr energııasyn óndirý 1,27 trln kVtsaǵ (+10,7%), atom elektr stantsııalary — 444,9 mlrd kVtsaǵ (+2,7%), kún elektr stantsııalary — 419 mlrd kVtsaǵ (+28,2%), jel energııasy — 936 mlrd kVtsaǵ (+11,1% qurady).

2024 jyly Qytaıdyń elektr energııasyn tutynýy 6,8%-ǵa ósti. Jyldaǵy jalpy kórsetkish 9,85 trln kVt/saǵ qurady.

Eske sala keteıik, buǵan deıin Qytaı men Reseı basshylary el arasyndaǵy qarym-qatynasty tereńdetýge ýaǵdalasqanyn jazǵan bolatynbyz.