Qytaı $172 mlrd kóleminde jańa oblıgatsııalar shyǵardy
ASTANA. KAZINFORM — Qytaıdyń jergilikti bılik organdary 1,24 trln ıýan (shamamen $172 mlrd) kóleminde jańa oblıgatsııalar shyǵardy. Bul týraly QHR Qarjy mınıstrliginiń derekterine silteme jasap, Kazinform agenttiginiń tilshisi habarlady.
Oblıgatsııalar qurylymy boıynsha:
-
Arnaıy oblıgatsııalar kólemi — 960,3 mlrd ıýan (shamamen $131,8 mlrd),
-
Qalǵan 279,1 mlrd ıýan — qarapaıym oblıgatsııalar úlesine tıesili.
Eske salaıyq, Qytaıdaǵy jasyryn dep atalatyn qaryzdardyń kólemi 2023 jyldyń sońynda 14,3 trıllıon ıýandy (qazirgi baǵam boıynsha shamamen 2 trıllıon dollar) qurady.
2024 jyldyń sońynda Qytaı bıligi jergilikti úkimetterdiń jasyryn qaryz daǵdarysyn sheshýge baǵyttalǵan 10 trln ıýan (shamamen $1,4 trln) kólemindegi arnaıy baǵdarlamany tanystyrdy.
2025 jylǵy naýryzda QHR Qarjy mınıstrligi Qytaıdyń iri memlekettik kommertsııalyq bankterin qoldaý úshin 500 mlrd ıýan (shamamen $69,7 mlrd) kóleminde arnaıy qazynashylyq oblıgatsııalar shyǵarylatynyn jarııalady.
Buǵan deıin habarlanǵandaı, Qytaı AES qýaty jaǵynan álemde birinshi orynda.