Qytaı 100 myńnan astam gýmanoıdty robot shyǵarady
ASTANA.KAZINFORM - Qytaıda gýmanoıdty robot óndirisi bıyl 100 myń birlikten asady, dep habarlaıdy China Daily.
Bul týraly Qytaıdyń Ónerkásip jáne aqparattyq tehnologııalar mınıstrliginiń Ǵylym jáne tehnologııalar departamenti dırektorynyń orynbasary Gan Sıaobın aldaǵy Dúnıejúzilik jasandy ıntellekt konferentsııasy (WAIC-2026) qarsańynda ótken baspasóz máslıhatynda málimdedi.
Sheneýniktiń aıtýynsha, jasandy ıntellekt qyzmetterin keńeıtý jáne jetilgen tsıfrlyq ekojúıeni qalyptastyrý qytaılyq robototehnıkanyń negizgi qozǵaýshy kúshine aınaldy. Qazirgi ýaqytta Qytaıdyń iri ónerkásiptik kásiporyndarynda aqyldy tehnologııalardyń ıntegratsııa deńgeıi 30%-dan asty.
- Ulttyq jasandy ıntellekt ınvestıtsııalyq qory osy salaǵa kóbirek áleýmettik kapıtal baǵyttaý úshin óz qyzmetin kúsheıtip jatyr, - dep atap ótti ol.
17-20 shilde aralyǵynda Shanhaıda «Ortaq bolashaq úshin jasandy ıntellekt seriktestigi» taqyrybymen ótetin WAIC 2026 konferentsııasynda 3 myńnan astam ázirleme kórsetiledi. Álemdik naryqta shamamen 300 ónim tusaýkeserge shyǵady.
Buǵan deıin Qytaıda poshta jóneltimderin suryptaýǵa robottar tartylǵanyn habarlaǵan edik.
