Kitaphanashylardy pedagogıka kadrlary sanatyna engizý qarastyrylyp jatyr
«Biz kitaphanashylardyń mártebesin arttyrý, olardyń eńbekaqysyn kóterý jáne jumysynyń jańa talaptarǵa saı bolýyn qaıta qarastyryp jatyrmyz. Olardy pedagogıkalyq kadrlar sanatyna engizý boıynsha bastamany kóterdik. Kitaphana zamanaýı jabdyqtalyp, bala úshin yńǵaıly ári qyzyqty bolýy kerek. Oqýshy onda kitap oqýmen qatar, netvorkıng nemese shyǵarmashylyq damý daǵdylaryn ıgere alýy qajet» - dep jazdy vedomstvo basshysy áleýmettik jelidegi paraqshasynda.
Sonymen qatar ol kóptegen mektep kitaphanalarynyń jumys formaty eshqandaı syn kótermeıtinin aıtty.
«Qazirgi jastardyń kóbi aqparatty tsıfrlyq tehnologııalar arqyly paıdalanatynyn eskere otyryp, biz aldaǵy ýaqytta kitaphanalardy tsıfrlandyrýdy josparlap otyrmyz. Osyǵan baılanysty, kórkem ádebıettiń elektrondy nusqalaryn ınternet jáne mobıldi qosymshalar arqyly qoljetimdi etý qajet. Mundaı jobalar qazirdiń ózinde bar. Olardyń avtorlarymen birigip jumys istemekpiz. Sondaı-aq, biz geımıfıkatsııa elementterin qoldanýdy josparlap otyrmyz. Men atap ótken mindetterdi sheshý tek mektepterdiń ǵana emes, sonymen qatar ata-analardyń da ýaqytyn jáne kúsh-jigerin talap etedi. Sondyqtan bul jumysty olar qoldaıdy dep úmittenemin», - dedi A. Aımaǵambetov.
«Oqý – bizdiń balalarymyzdyń bilimin, tárbıesin jáne mádenıetin arttyrýdyń mańyzdy faktory. Birimiz kitapty oı-óristi keńeıtý úshin oqysaq, birimiz – jumys barysynda aqparat izdep oqımyz. Aramyzda kitap oqyp, demalatyndar da bar. Qandaı sebep bolmasyn, oqý saýattylyǵy daǵdylaryn damytý mańyzdy. Oqý oı-óristiń keńeıýine, jan-jaqty damýǵa, oılaý qabiletin jetildirýge, shyǵarmalardaǵy keıipkerlerdiń minez-qulqyndaǵy jaǵymdy tustaryn boıǵa sińirýge kómektesedi, jalpy, adamdy tárbıeleıdi jáne rýhanı baıytady», - dedi mınıstr.
