Kitaphanalarǵa esirtki týraly kitaptar berýge tyıym salyndy - Reseı
ASTANA. Qarashanyń 11-i. QazAqparat - Reseıdiń Esirtki aınalymyn memlekettik baqylaý qyzmeti kitaphanalarǵa «esirtki jáne elitkish zattardy nasıhattaıtyn» kitaptardy berýge tyıym salǵany anyqtaldy,
dep habarlaıdy "Kompıýlenta" basylymy.
Tyıym salynǵan ádebıetterdiń qara tizimine 37 týyndy kirip otyr, olardyń qatarynda álemdik kórkem jáne arnaıy ádebıetter klassıkasy bar. Atap aıtqanda, álemniń tuńǵysh gonzo-jýrnalısi Hanter Tompsonnyń «Las-Vegastaǵy úreı men jırkenish» (Strah ı otvraşenıe v Las-Vegase") eńbegi men tanymal cheh-amerıkandyq psıhoanalıtık, transpersonaldyq psıhologııanyń negizin qalaýshylardyń biri, sananyń ózgerý jaǵdaıyn zertteý salasynyń kóshbastaýshysy Stanıslav Groftyń «Sanadan tys» ("Za predelamı mozga") eńbegi osy tizimge kirip otyr.
