Kitaphanalarda zamanaýı tsıfrlyq quraldar bolýy qajet - Dáýren Abaev

NUR-SULTAN. QazAqparat – Kitaphanalardyń zamanaýı tsıfrlyq quraldarmen qamtamasyz etilýi mańyzdy. Bul týraly Aqtóbe oblysyna jumys sapary barysynda Mádenıet jáne sport mınıstri Dáýren Abaev aıtty, dep habarlaıdy QazAqparat vedomstvonyń baspasóz qyzmetine silteme jasap.

Mınıstr aldymen M. Lomonosov atyndaǵy ortalyq qalalyq kitaphanada boldy. Mekeme qorynda shamamen 28 myń kitap bar. Dáýren Abaev kitaphanalar oqyrmandarǵa qolaıly jaǵdaı jasap, zamanaýı tsıfrlyq quraldarǵa qol jetkizýdi qamtamasyz etýi jáne kitap qoryn baıytýy qajettigin aıtty.

Sondaı-aq, mınıstr múmkindigi shekteýli jandarǵa arnalǵan dene shynyqtyrý-saýyqtyrý kesheniniń qurylys barysymen tanysty. Jańa ortalyqta basseın, ústel tennısin oınaýǵa arnalǵan zal jáne ámbebap sport zaly bolady. Nysan qurylysyn jyl sońynda aıaqtaý josparlanǵan.

Dáýren Abaev ınvestıtsııalar tartýǵa yqpal etetin jáne óńirdi halyqaralyq naryq pen el ishinde ilgeriletýmen aınalysatyn Visit Aktobe týrıstik aqparattyq ortalyǵynda boldy. Mınıstrge týrıstik ınfraqurylymdy jaqsartý jáne salaǵa sheteldik ınvestorlardy tartý josparlary týraly aqparat berildi.

Sonymen qatar, Dáýren Abaev respýblıkalyq mańyzy bar «Abat Baıtaq qorymy» eskertkishi men oblystyq «Álııa» patrıottyq tárbıe berý ortalyǵynda boldy.

Búgin mınıstr azamattardy jeke máseleleri boıynsha qabyldaıdy jáne Baqytty Bala-2022 ІV ashyq balalar vokaldyq festıval-baıqaýynyń qatysýshylarymen kezdesedi.

Foto : gov.kz