Kitaphanalar kópfýnktsıonaldy bilim berý-aǵartý ortalyqtaryna aınalady

ASTANA. QazAqparat – Memlekettik kitaphanalar kópfýnktsıonaldy bilim berý-aǵartý ortalyqtaryna aınalady. Bul jaıynda elimizdiń Mádenı saıasatynyń tujyrymdamasyn tanystyrǵan Mádenıet jáne sport mınıstri Ashat Oralov málim etti, dep habarlaıdy QazAqparat tilshisi.

«Oqyrman ult» jobasy aıasynda jalpyǵa qoljetimdi memlekettik kitaphanalardy kópfýnktsıonaldy bilim berý-aǵartý ortalyqtaryna aınaldyrý josparlanyp otyr. Kitaphana ǵımarattaryn jóndeý jumystary jáne óńirlik kitaphanalardyń kitap qorlaryn tolyqtyrý jalǵasady. Elimizde kazneb.kz qazaqstandyq ulttyq elektrondy kitaphananyń mobıldik qosymshasy jasalyp jatyr. Al QazUEK qoryn keńeıtý arqyly stýdentter tsıfrlyq kitaphanalarǵa tegin qol jetkizedi. Bul Qazaqstannyń búkil kitaphana jelisi ıntegratsııalanatyn biryńǵaı uıymdastyrýshy jáne tehnologııalyq júıeni qurýǵa múmkindik beredi», - dep jazdy mınıstr Telegram-paraqshasynda.

Sondaı-aq ol zaǵıp jáne nashar kóretin azamattarǵa arnalǵan kitaphanalardyń qory, onyń ishinde qazaq tilindegi kitaptardyń sany ulǵaıtylatynyn aıtady.

«Osy josparlardy iske asyrýdyń nátıjesinde 2030 jylǵa qaraı kitaphanalarǵa kelýshiler sanyn 20 paıyzǵa arttyrýǵa nıettimiz», - dedi Ashat Oralov.