Kitaphana qyzmetkeri tanymal sýretshilerdiń 143 kartınasyn urlaǵan
ASTANA. QazAqparat - Qytaıda kitaphana qyzmetkeri sotta óziniń Gýanchjoý beıneleý óneri akademııasy galereıasyndaǵy 143 polotnony jymqyryp ketkendigin moıyndady, dep habarlaıdy Associated Press.
Sıao ıÝan esimdi qytaılyq akademııanyń bir bóligi bolyp esepteletin galareıaǵa jaýapty bolǵan. Ol osynda eki jyl boıy, 2006 jylǵa deıin kartınalardyń túpnusqalaryn urlap kelgen. Al onyń ornyna óz qolymen salǵan kóshirmelerdi aýystyryp otyrǵan. Bir qyzyǵy, arada birshama ýaqyt ótkennen soń álgi kóshirme týyndylar da qoldy bola bastaǵan. Olardyń ornyna sapasyz jasalǵan jańa kóshirmeler qoıylady.
Urlanǵan shyǵarmalardy ol aýktsıondarǵa shyǵaryp otyrǵan. Sonyń arqasynda 2004 jyldan 2011 jylǵa deıin burynǵy kitaphanashy 34 mıllıon ıýanǵa baıyǵan (alty mıllıon dollar). Kánigi ury osy aralyqta ataqty sýretshilerdiń 125 kartınasyn satyp úlgergen.
