Kitaphana isi týraly arnaıy zań kerek
ASTANA. QazAqparat - Qazaqstannyń kitaphanashylary «Kitaphana isi týraly» zań jobasyn ázirleýdi usynady. Bul týraly búgin Astanadaǵy Ulttyq kitaphanada ótken Qoǵamdyq keńestiń otyrysynda QR Ulttyq kitaphanasynyń jetekshisi Janat Seıdýmanov málim etti.
«Búgingi kúni Qazaqstanda kitaphana isi «Mádenıet týraly» zań aıasynda retteledi. Bul zańnyń normalary negizinen ulttyq kitaphanalar úshin jazylǵan, al kitaphanalyq jeliler máselesi rettelmeı otyr. Qazirgi kúni bizdiń oıymyzsha, Qazaqstandaǵy kitaphana isi týraly jeke zań qabyldaý máselesin kóteretin ýaqyt jetti», - dedi ol.
J.Seıdýmanovtyń aıtýynsha, jańa zań jobasynda oblystyq, qalalyq jáne aýdandyq kitaphanalar qyzmeti qarastyrylyp, olardyń qorlaryn jınaqtaý týraly normalar qamtamasyz etilýi shart.
«Ásirese, qorlardy jınaqtaý máselesi qazirgi tańda ótkir kúıinde qalyp otyr. Bul negizinen jergilikti bıliktiń jetkiliksiz qarjylandyrýy saldarynan oryn alǵan. Óıtkeni, shyndyǵynda qorlardy jınaqtaý máselesine kelgende qarajat jetpeıdi», - dedi J. Seıdýmanov.
