Kitapfest festıvalinde almatylyq oqyrmanǵa myńdaǵan kitap tartý etildi
ALMATY. QazAqparat - Almatyda búgin Qazaqstandaǵy jalǵyz festıval - Kitapfest ótti. Jyldaǵydaı kitapsúıer qaýym bir-birine myńdaǵan kitap syılady, dep habarlaıdy QazAqparat.
2000 adam jınalǵan buqaralyq mádenı shara barysynda jazýshylar men jas qalamgerler, oqyrmandar, kitaphana men baspa salasy ókilderi ózara tanysyp, pikir almasty.
Kitap kórmesinen bólek, arnaıy semınarlar men lektsııalar, belgili bloger Alııa Qadyrova men IBookYou jobasynyń avtory Marına Sháripova, Aına Dosmuhametqyzy jáne basqa da tulǵalar ózderiniń tájirıbelerimen bólisti.
Belgili jazýshylar Ǵalym Jaılybaı, Serik Aqsuńqaruly, Sáýle Dosjanova, Gúlzada Nıetqalıeva oqyrmandarymen kezdesip, kókeıkesti saýaldaryna jaýap berdi.
«Kitapfest - almatylyq oqyrmandardyń basty mádenı sharasy. Munda oqyrman súıikti jazýshysymen kezdesip, ózara áńgime qurady. Bıyl qatysýǵa nıet bildirgen dúkender men baspalardyń sany da qýantty. Bıyl 23 dúken qatysyp otyr», - dedi uıymdastyrýshylardyń ókili Maıra Áljanova.
Kitapfest kelýshilerine ortalyqtandyrylǵan kitaphana júıesi tosynsyı jasady. 2500 kitaptan shytyrman jol jasalyp, keıinnen kitaptar oqyrmandarǵa taratylyp berdi.
