Kitap oqý ulǵaıǵan jasta este saqtaý qabiletin arttyrady
ASTANA. 5 shilde. QazAqparat - Adamdar kitaptyń kúshin baǵalamaıdy, deıdi ǵalymdar. Kitap oqý baǵzy zamannan beri adam mıy úshin keremet jattyǵý bolyp tabylady. Bundaı ádet barlyq jastaǵy adamdar úshin paıdaly. Mysaly, egde jastaǵy adamdar kitap oqý arqyly este saqtaý qabiletin arttyra alady, dep jazady «Jańalyqtar» RAA.
Mamandar toby 294 adamǵa este saqtaý jáne oılaý qabiletin tekserý maqsatynda júıeli túrde saýalnama júrgizgen. Bul zertteýdi alty jyl kóleminde orta jastaǵy adamdardyń jasy 89-ǵa kelip qaıtys bolǵanǵa sheıin júrgizgen. Sonymen qatar ǵalymdardy ol adamdar qaı kezde belsendi túrde kitap oqyp, jazyp jáne basqa da tanymdyq jumystarmen aınalysqandyǵy qyzyqtyrǵan.
Adam óliminen soń múrdeni zertteý barysynda ǵalymdar olardyń mıynan dementsııa belgilerin izdegen. Mıyn sırek jattyqtyrǵan adamdarǵa qaraǵanda jas kezinen kóp oqyp, kóp jazǵan adamdardyń oılaý qabiletiniń belsendiligi 15 paıyzǵa joǵary ekendigi anyqtalǵan.
