Kıt jutqan akvalangshy qalaı aman qaldy

NЬıÝ-IORK. QazAqparat – Massachýsetste akvalangshy búkir kıttiń aýzynan sytylyp shyǵyp, qandaı da bir aýyr jaraqat almastan jaǵaǵa jete aldy, dep habarlaıdy QazAqparat jergilikti jerdiń Cape Cod Times gazetine silteme jasap.

Basylymnyń habarlaýynsha, 56 jastaǵy Maıkl Pakard juma kúni tańerteń Provınstaýn qalasynyń janynda Atlant muhıtynyń jaǵasynda lobsterlerdi aýlap júrgen.

«Men kenetten alyp kúshtiń tartyp áketip bara jatqanyn sezindim, sodan keıin aınala qarańǵy bolyp ketti. Men ózimniń qozǵalǵanymdy sezindim, al kıt meni aýzyndaǵy bulshyq etterdiń kómegimen ıterip jiberdi», - dedi ol basylymǵa.

Bastapqyda Pakard ony akýla jep qoıdy dep oılaǵan, biraq oǵan shabýyl jasaǵan tirshilik ıesiniń tisterin taba almaǵannan keıin eshqandaı aýyr jaraqat almaǵanyn túsingen daıver óziniń kıttiń ishinde ekenin túsingen. Akvalangshy qarqyndy túrde qozǵala bastaǵan, sodan keıin kıt sý betine shyǵyp, basyn shaıqap, ony bosatyp jibergen. Pakardtyń seriktesi ony qaıyqqa súırep aparyp, jaǵaǵa shyǵarǵan. Daıver jergilikti aýrýhanaǵa jetkizildi. Dárigerler onyń ómirine esh qaýip tónip turmaǵanyn aıtyp, ony birneshe saǵattan keıin úıine jibergen.