Qıt etse joldy jaýyp tastaıdy: Erbolat Dosaev máseleni zańdy jolmen sheshýge shaqyrdy
Almaty ákimi Erbolat Dosaev Alataý aýdanynyń turǵyndarymen kezdesti. Jergilikti halyq turmystyq máselelerine ǵana emes, ákimderine de shaǵymdandy.
Aıtýlarynsha, aqpan aıynyń ortasynda «Qarasý» shaǵynaýdanynda mıtıng uıymdastyrylǵan. Oǵan 20-ǵa jýyq adam jınaldy.
Sol kezde aýdan ákimdigi únsiz qalyp, toqtatýǵa áreket jasamaǵan.
«Aýdan ákimi kabınette tyǵylyp otyrmaıdy. Jumys istep jatyr. Ony kúndelikti jedel esep bergenine qaraı bilemin. Alataý – qalanyń jańa aýdany, jer berýde kóp másele týyndady. Kóp jumys isteldi, áli de kóp nárse jasaý qajet. Men sońǵy kezde joldy jaýyp tastaý úrdisin baıqap júrmin, biraq qalada buǵan jol bermeımin. Joldy jabý zańǵa qaıshy, basqalarǵa kedergi bolasyzdar. «Joldy japsaq, bılik qaıda barady, ózderi kelip sheshedi» degendi estımin. Olaı emes, máseleni josparlaǵandaı sheshemiz. Bılikpen dıalog bolsa, bul - qalypty jaǵdaı», - dedi Erbolat Dosaev.