Qysta qar az túsýi dıqandarǵa qaýipti me
ASTANA. KAZINFORM – Aýyl sharýashylyǵy mınıstriniń orynbasary Azat Sultanov qarsyz qystyń dıqandarǵa qalaı áser etetini týraly pikir bildirdi.Úkimet otyrysynan keıin ótken baspasóz máslıhatynda jýrnalıst bıylǵy qarsyz qys dıqandarǵa qalaı áser etetinin aıtty.
- Biz egis alqaptaryn saqtandyrýǵa kóshkenimizge birneshe jyl boldy. Saqtandyrýdyń eki negizgi túri bar. Onyń biri – artyq ylǵaldan saqtandyrý. 2023 jyly 30 kúnnen astam tolassyz jańbyr jaýyp, egin orýda qıyndyqtar týyndady. Saqtandyrýdyń ekinshi túri – ylǵaldyń tapshylyǵy. Saqtandyrý kompanııalaryna tólenetin syılyqaqy somasynyń 80%-y memleket tarapynan sýbsıdııalanady. Sondyqtan fermerler is júzinde alqapty tegin saqtandyra alady deýge bolady. Qys qarsyz bolsa, kóktemgi egis jaǵdaıyn nasharlatady, - dedi vıtse-mınıstr.
Eske salsaq, eldegi dıqandardyń 12 paıyzy gektaryna 7-8 tsentnerden ǵana ónim alǵan bolatyn.