Qystyń qaqaǵan sýyǵynda Kentaýda qulpynaı pisti
TÚRKІSTAN. KAZINFORM - Kentaý qalasyna qarasty Qusshy ata eldi-mekeninde ornalasqan «Muhammed-Álı» sharýaqojalyǵy jyl on eki aı boıy qulpynaı ósirip keledi.

Eldi-meken Kentaý qalasyna jaqyn ornalasqandyqtan, mundaǵy sharýalar óz ónimderin aldymen qalaǵa jóneltemiz dep otyr. Sebebi, kentaýlyqtardan suranys kóp túsedi. Al, apta saıyn ótetin jármeńkede qusshyatalyq qulpynaılardy jergilikti halyq kezekke turyp satyp alady.
- Buıyrsa, ónim kólemin ulǵaıtýdy josparlap otyrmyz. Biz egip jatqan qulpynaıdyń surpy óte ónimdi. Ár túpten mol ónim alý oıymyzda bar. Otbasylyq sharýashylyq bolǵasyn jumys kózi keıde ózimizden artylmaıdy. Al, ónim kóbeıgen sátte jaldamaly jumysshylardy jumysqa tartamyz, - deıdi sharýa Ulyqbek Atahanov.

Sharýaqojalyq negizinen qulpynaı jáne tańqýraı ósirýmen aınalysady. Búgingi tańda mundaǵy 21 sottyq jerge qulpynaı egilgen. Al, jylyna jobamen 1 tonnadan astam ónim jınalady.
Munda qulpynaıdyń 6 sorty bar. Ashyq dalada ósetin azııa, klerı, lohtı túrleri jylyna bir ret ónim beredi. Al, jylyjaıdaǵy mýrana, anabıal, albıon túrlerinen jyl on eki aı boıy jemis alýǵa bolady.


Sharýa qajetti kóshetterdi Almaty qalasynan aldyrady. Al, ónimniń negizgi tutynýshylary Kentaýlyqtar men Túrkistan qalasynyń turǵyndary.
- Jaz aılarynda qulpynaıdy kúnara tersek, qysta aptasyna bir ret jınap alamyz. Sáýir, mamyr aılarynda kelisi 800 teńgeden bolsa, qysta 5 000 teńgege deıin satamyz, - deıdi sharýa Ulyqbek Atahanov.
Aıta keteıik, budan buryn Túrkistan oblysynda bir ózi eki aýdanǵa qaraıtyn aýyldar bar ekenin jazǵan bolatynbyz.