Qystyń qaq ortasynda Aqtóbedegi mekteptiń jylý júıesi syr berdi

AQTÓBE. KAZINFORM – Aqtóbe oblysy Shalqar aýdanyndaǵy №6 orta mekteptiń jylý júıesi isten shyǵyp, eki kún boıy oqýshylar onlaın bilim aldy. 

жылу жоқ
Фото: pexels.com

Aqtóbe oblysy Shalqar qalasyndaǵy № 6 orta mektepte qazir jylý júıesi ýaqytsha qalpyna keltirildi. Al jóndeý jumysy jazǵy demalysta júrgiziledi.

— № 6 orta mekteptegi jylytý júıesi aýdan ákiminiń, máslıhattyń, bilim bóliminiń baqylaýynda tur. 3-4 aqpan kúnderi munda jylý júıesinen aqaý shyǵyp, balalar sol kúnderi onlaın bilim aldy. Mektep jertólesindegi jylý qubyry tozyp, isten shyqqan. Jumys toby ony qalpyna keltirip qoıdy. Al jylý júıesin tolyq aýystyrý jumysy jazǵy demalys kezinde júrgiziledi. Qazirgi kezde qajetti qural-jabdyqtyń bári satyp alyndy. Memlekettik satyp alý júrgizildi, materıaldar qoımada saqtaýly tur. Balalar mektepte oqyp júr. Mundaǵy temperatýra kún saıyn ólshenip, tekseriledi. Synyp ishindegi temperatýra 20-22 gradýs jyly, - dep habarlady Aqtóbe oblystyq bilim basqarmasynyń baspasóz qyzmeti. 

Eske salsaq, qańtarda Aqtóbedegi balalar jáne jasóspirimder sport mektebiniń muzaıdyny sýǵa aınaldy. Munda jylý almastyrǵysh qurylǵy isten shyǵyp, ata-analar narazylyq bildirdi. 

Сейчас читают