Qysqy ýnıversıadada altyn alǵan Anastasııa Gorodko jarystan keıin pikir bildirdi

ASTANA. KAZINFORM – Týrın qalasynda (Italııa) ótip jatqan Qysqy ýnıversıadada Qazaqstan qorjynyna alǵashqy altyn medal salǵan Anastasııa Gorodko júldesi jóninde pikir bildirdi. 

Búgin frıstaıl-mogýldan qazaqstandyq Anastasııa Gorodko eń joǵary upaımen (79,79) jeńis tuǵyryna kóterildi. 

- El qorjynyna alǵashqy júldeni salǵanyma qýanyshtymyn. Jarys ońaı bolǵan joq. Alaıda bári oıdaǵydaı ótti. Altyn medal enshiledim. Álem chempıonatynan keıin sporttyq babymdy joǵaltpaýǵa mán berdim. Jarys jolyna baılanysty árkimniń pikiri túrlishe boldy. Ózime eshqandaı qıyndyq alyp kelgen joq. Alǵa qoıǵan maqsatymdy oryndap shyqtym. Endi aldaǵy jarystarda da jeńimpaz atanýǵa kúsh salmaqpyn, - dedi ol. 

Anastasııa Gorodko 2005 jyly 14 mamyrda dúnıege kelgen. Qazirge deıin 2021 jyly Almaty qalasynda ótken álem chempıonatynda paralleldi mogýlda qola júlde aldy. 

Búginde ol Qazaq sport jáne týrızm akademııasynda 3 kýrs oqıdy.