Qysqy ýnıversıada: Mánerlep syrǵanaýdan Sofıa Samodelkına qola aldy

ASTANA. KAZINFORM - Italııanyń Týrın qalasynda ótip jatqan XXXII Qysqy ýnıversıada oıyndarynda mánerlep syrǵanaýdan Sofıa Samodelkına qola aldy.

Ol erkin baǵdarlama boıynsha 66,43 ball jınap,úzdik úshtikti túıindedi.

Atalǵan baǵdarlama boıynsha chempıondyq ataqqa japonııalyq Rıon Sýmıesı (204,29) ıe bolsa, kúmis júldege onyń otandasy Mone Tıba (203,85) qol sozdy.

Bul - el quramasy qorjynyna túsken on birinshi medal.

Eske salsaq, qazirge deıin qazaqstandyq sportshylar medaldar kestesinde úsh altyn, tórt kúmis, úsh qola aldy. El quramasy qorjynyna qos altyndy frıstaılshy Anastasııa Gorodko salsa, bıatlonnan 10 shaqyrymdyq sprınt jarysynda Nıkıta Akımov ta jeńis tuǵyryna kóterildi.

Al Aıaýlym Ámrenova men Anton Bondarev (ekeýi de frıstaıl juptyq-mogýl) jáne Denıs Zınov eki márte (parashańǵy, 10 shaqyrym, 1400 metr sprınt) kúmis, Roman Qurbanov eki márte (parashańǵy, 10 shaqyrym, 1400 metr sprınt), bıatlonshy Arına Krıýkova qola medal aldy.