Qysqy Ýnıversıada: Qazaqstan erler quramasy Shvetsııany oısyrata jeńdi

ASTANA. KAZINFORM — 2025 jylǵy Qysqy Ýnıversıadaǵa shaıbaly hokkeıden Qazaqstan erler quramasy alǵashqy oıynyn Shvetsııaǵa qarsy ótkizdi.

Qazaqstan erler quramasy A tobynda synǵa túsedi. Qarsylastary — Kanada, Chehııa, Ońtústik Koreıa jáne Shvetsııa.

Atalǵan kezdesýde bapkerler tómendegi hokkeıshilerge senim artty.

Ámirbekov (Pavlenko); Júsipbekov — Bolshedvorskıı, Demın — Chaporov — Boıko (K); Orazov — Nıkıtın, Mýsorov — Shýlga — Býıalskıı; Reshetko — Súleımenov, Tıýtıýnkov — Gýseınov — Tsybın; Gavrılenko — Sımonov, Panchenko — Beısembaev — Lıapýnov

Kezdesý barysynda shvetsııalyq hokkeıshiler qatarynan eki shaıba soǵyp ketti. Birinshi kezeńniń sońyna taman qazaqstandyq Andreı Býıalskıı esep aıyrmasyn qysqartsa, odan keıin ekinshi kezeńde Nıkolaı Shýlga eki goldyń avtory atandy. 

Al Danıl Tsybın eki, Maksım Mýsorov, Ádil Beısembaev, Denıs Chaporov, Andreı Býıalskıı bir-birden mergendik tanytty.

Osylaısha qazaqstandyq hokkeıshiler qarsylasynan 9:2 esebimen basym tústi.

Shvetsııa — Qazaqstan 2:9 (2:2, 0:3, 0:4)

1:0 — Meıer (Svensson) — 05:37 GB
2:0 — Lındfors (Bekselıýs, ıAldýng) — 12:11
2:1 — Býıalskıı (Orazov, Mýsorov) — 19:19 GB
2:2 — Shýlga (Býıalskıı, Mýsorov) — 19:40
2:3 — Shýlga (Býıalskıı) — 28:21delete_forever
2:4 — Tsybın (Tıýtıýnkov, Súleımenov) — 31:48
2:5 — Tsybın (Tıýtıýnkov, Gýseınov) — 36:53
2:6 — Mýsorov (Býıalskıı) — 48:18
2:7 — Beısembaev (Býıalskıı) — 51:03
2:8 — Chaporov (Býıalskıı) — 57:43
2:9 — Býıalskıı (Mýsorov) — 59:35

Eki qurama buǵan deıin úsh márte kezdesti. Barlyǵynda qazaqstandyq hokkeıshiler jeńiske jetti. Atap aıtqanda, 2017 jyly aldymen toptyq kezeńde olardy 5:0 esebimen jeńse, odan keıin jarystyń shırek fınalynda 4:0 esebimen qapy qaldyrdy.

Aıta keteıik, endi qazaqstandyq hokkeıshiler 14 qańtarda Ońtústik Koreıamen kezdesedi.