Qysqy Ýnıversıada: Hokkeıden Qazaqstan qyzdar quramasyna kimder shaqyryldy

ASTANA. KAZINFORM - 2025 jylǵy Qysqy Ýnıversıadaǵa qatysatyn shaıbaly hokkeıden Qazaqstan qyzdar quramasyna kimder shaqyrylǵany belgili boldy.

Bas bapker Aleksandr Tebenkov Italııanyń Týrın qalasynda ótetin jarysqa negizinen Astana, Almaty, Qaraǵandy jáne Óskemen klýbtarynda oınaıtyn hokkeıshilerge senim artty.

Qaqpashylar: Polına Govtva («Torpedo», Óskemen), Dıana Ysqaqova («Aısulý», Almaty);

Qorǵaýshylar: Arýjan Keńesova («Dınamo», Almaty), Anna Pıatkova («Aısulý», Almaty), Alına Ýmrıhına («Gratsııa», Qaraǵandy), Katrın Meskını, Darıa Hohlova, Polına ıAkovleva («Torpedo», Óskemen);

Shabýylshylar: Darııa Ádilhan, Karına Ámirova, Regına Saltysova, Karına Sýlaımanova, Sholpan Toqqoja («Juldyz», Almaty), Aleksandra Bystrova, Almıra Ibragımova («Gratsııa», Qaraǵandy), Alına Ivanchenko («Aısulý», Almaty), Ekaterına Kýtsenko, Aleksandra Shegaı («Tomırıs», Astana), Polına Mokına, Dılnaz Saıahatqyzy, Mýnıra Saıahatqyzy («Torpedo», Óskemen), Madıanna Núsipova («Aısulý», Almaty).

Qazaqstandyq hokkeıshiler V tobynda synǵa túsedi.

Qarsylastary — Japonııa, AQSh jáne Chehııa.

Oıyn kestesi tómendegideı:

13 qańtar, 00:00. Japonııa - Qazaqstan

14 qańtar, 20:30. Chehııa - Qazaqstan

16 qańtar, 20:30. Qazaqstan - AQSh.

Al elimizdiń erler quramasy A tobynda Kanada, Chehııa, Ońtústik Koreıa jáne Shvetsııamen sheberlik baıqasady.

Olar alǵashqy oıynyn 12 qańtarda Shvetsııaǵa qarsy ótkizse, odan keıin 14 qańtarda Ońtústik Koreıa, 15 qańtarda Kanada, 17 qańtarda Chehııamen oınaıdy.

Dúbirli dodada sportshylar 11 sport túri boıynsha baq synaıdy. Qazaqstan quramasynan 103 sportshy qatysady.