Qysqy ýnıversıada: Hokkeıden Qazaqstan erler quramasy Ońtústik Koreıamen kezdesedi

ASTANA. KAZINFORM — 2025 jylǵy Qysqy ýnıversıadaǵa shaıbaly hokkeıden Qazaqstan erler quramasy ekinshi oıynyn Ońtústik Koreıaǵa qarsy ótkizedi.

Stýdenttik oıyndar 13-23 qańtar aralyǵynda Italııanyń Týrın qalasynda bolady.

Qazaqstan erler quramasy A tobynda synǵa túsedi. Qarsylastary - Kanada, Chehııa, Ońtústik Koreıa jáne Shvetsııa.

Búgingi kezdesý qazaqstandyq ýaqytpen 20:30-ǵa belgilengen. 

Eki qurama buǵan deıin 2023 jyly Qysqy Ýnıversıadada kezdesip, ol joly qazaqstandyq hokkeıshiler qarsylasynan 5:1 esebimen basym tústi. 

Erler quramasy buǵan deıin alǵashqy oıynda Shvetsııadan 9:2 esebimen basym tústi. 

Sondaı-aq endi 15 qańtarda Kanada, 17 qańtarda Chehııamen sheberlik baıqasady. Al qyzdar quramasy búgingi oıynyn Chehııaǵa qarsy ótkizedi. Olar budan buryn Japonııaǵa 0:10 esebimen jeńilip qaldy. 

Endi taǵy bir oıynynda 16 qańtarda AQSh-pen sheberlik baıqasady.

Dúbrli dodada qazaqstandyq 103 sportshy 11 sport túri boıynsha baq synaıdy. Olar bıatlon, short-trek, shańǵy jarysy, mánerlep syrǵanaý, qysqy sporttyq baǵdarlaý, frıstaıl, taý shańǵysy, erler jáne áıelder hokkeıi, sondaı-aq parashańǵy jarystary boıynsha synǵa túsedi.

Eske sala keteıik, buǵan deıin Qysqy ýnıversıadanyń saltanatty ashylý rásimi ótkenin habarlaǵan edik.