Qysqy ýnıversıada: bıatlonshy Kırıll Baýer qola júldeger atandy

ASTANA. KAZINFORM – Italııanyń Týrın qalasynda ótip jatqan Qysqy ýnıversıadada qazaqstandyq bıatlonshy Kırıll Baýer qola júldege qol jetkizdi.

Qazaqstandyq sportshy 15 shaqyrymdyq mass-startta úzdik úshtikke ilikti.

Degenmen Qazaq týrızm jáne sport akademııasynyń stýdenti, 24 jastaǵy Baýerdiń altyn alatyndaı múmkindigi tolyq bar edi. Birinshi atý aılaǵynda ol nysana kózdeýden bir ret múlt ketti. Al ekinshi jáne úshinshi atý aılaǵynda bárin dál tıgizip, kósh bastady. Ókinishke qaraı, tórtinshi atý aılaǵynda úsh ret qatelesip, úshinshi orynǵa túsip qaldy.

Mergendik tanytqan frantsııalyq Natanel Pıgýın 42:53.1 ýaqytpen máre syzyǵyn birinshi bolyp qıdy. Shvetsııalyq Karl Grenland odan 28.1, K.Baýer 33.8 sekýndqa qalyp qoıdy.

Qazaqstandyqtar Vadım Kýrales altynshy, Nıkıta Akımov jetinshi orynnan kórindi. Erjanat Qýandyq 19-ynshy bolyp keldi.

Eske sala keteıik, budan buryn qysqy ýnıversıadada hokkeıden Qazaqstan erler quramasynyń besinshi oryn alǵanyn jazǵan bolatynbyz.