Qysqy ýnıversıada: Anastasııa Gorodko Qazaqstan qorjynyna ekinshi altyndy saldy
ASTANA. KAZINFORM - 2025 jylǵy Qysqy ýnıversıadada Anastasııa Gorodko el qorjynyna ekinshi altyndy syılady. Bul joly ol juptyq frıstaıl-mogýldan jeńis tuǵyryna kóterildi.
Juptyq frıstaıl-mogýl saıysynda el namysyn Anastasııa Gorodko men Aıaýlym Ámrenova qorǵady. Nátıjesinde Anastasııa úzdik shyǵyp, chempıondyqqa qol jetkizdi. Al Aıaýlym Ámrenova bul jarysta ekinshi orynnan kórindi.
Aıta ketsek, 14 qańtarda ol el quramasy qorjynyna Anastasııa Gorodko frıstaıl-mogýldan alǵashqy altyn medaldi salǵan edi.
Anastasııa Gorodko 2005 jyly 14 mamyrda dúnıege kelgen. Qazirge deıin 2021 jyly Almaty qalasynda ótken álem chempıonatynda paralleldi mogýlda qola júlde aldy.
Búginde ol Qazaq sport jáne týrızm akademııasynda 3 kýrs oqıdy.
Sondaı-aq frıstaılda juptyq-mogýldan erler arasynda Anton Bondarev Ýnıversıada oıyndarynyń kúmis júldegeri boldy.
Eske salsaq, budan buryn el quramasynan Denıs Zınov parashańǵyshylar arasynda 10 shaqyrymǵa erkin júristen kúmis alsa, Roman Qurbanov qola medal ıelendi.