Qysqy Ýnıversıada: Anastasııa Gorodko frıstaıldan chempıon atandy
ASTANA. KAZINFORM – Italııanyń Týrın qalasynda ótip jatqan qysqy Ýnıversıadada Qazaqstan qorjynyna alǵashqy altyn medal tústi.
Frıstaıl-mogýldan otandasymyz Anastasııa Gorodko qarsylas shaq keltirmedi.
Fınalǵa birinshi orynmen shyqqan A.Gorodko eń joǵary upaımen (79,79) jeńis tuǵyryna kóterildi.
Japonııalyq Harýka Nakao 76,29 balmen kúmis júldege ıe boldy.
Germanııalyq Hanna Vesse (75,04 ball) úzdik úshtikti túıindedi.
Taǵy bir qazaqstandyq, qysqy Ýnıversıadanyń ashylý saltanatynda tý ustap shyqqan Aıaýlym Ámrenova 70,52 balmen besinshi orynǵa taban tiredi.
Eske sala keteıik, budan buryn qysqy Ýnıversıadada búgin qazaqstandyq jastar úsh sport túrinen synǵa túsetinin jazǵan bolatynbyz.
