Qysqy Ýnıversıada: 18 qańtarda el quramasynan kimder saıysqa túsedi

ASTANA. KAZINFORM - Búgin, 18 qańtarda Italııanyń Týrın qalasynda 2025 jylǵy Qysqy ýnıversıadanyń besinshi jarys kúninde qazaqstandyq sportshylar shańǵy jarysy, bıatlon jáne mánerlep syrǵanaýdan synǵa túsedi.

Aldymen 14:05-te bıatlonnyń sprınt saıysynan erler arasynda Nıkıta Akımov, Vladıslav Kıreev, Kırıll Baýer, Erqanat Qýandyq jarys jolyna shyǵady.

Al 17:05-te bıatlonnyń sprınt saıysynan áıelder arasynda Arına Krıýkova, Alına Skrıpkına, Aısha Raqysheva, Mılana Geneeva el namysyn qorǵaıdy.

Saǵat 14:30-da shańǵy jarysynan áıelder arasynda Aleksandra Skorohodova jarys.

Saǵat 17:00-de mánerlep syrǵanaýdan erkin baǵdarlama boıynsha erler arasynda Mıhaıl Shaıdorov, Dıas Jırenbaev, Mıhaıl Krıvosheev saıysqa tússe, 20:05-te áıelder arasynda Sofııa Samodelkına óner kórsetedi.

Eske salsaq, qazaqstandyq sportshylar medaldar kestesinde eki altyn, tórt kúmis, eki qolamen ekinshi orynda keledi. El quramasy qorjynyna qos altyndy frıstaılshy Anastasııa Gorodko saldy.

Al Aıaýlym Ámrenova men Anton Bondarev (ekeýi de frıstaıl juptyq-mogýl) jáne Denıs Zınov eki márte (parashańǵy, 10 shaqyrym, 1400 metr sprınt) kúmis, Roman Qurbanov eki márte (parashańǵy, 10 shaqyrym, 1400 metr sprınt) qola medal aldy.