Qysqy Ýnıversıada: 16 qańtarda qazaqstandyqtar qandaı sport túrlerinen saıysqa túsedi

ASTANA. KAZINFORM - Búgin, 16 qańtarda Italııanyń Týrın qalasynda 2025 jylǵy Qysqy ýnıversıadanyń úshinshi jarys kúninde qazaqstandyq sportshylar bıatlon, mánerlep syrǵanaý jáne shaıbaly hokkeıden synǵa túsedi.

Dúbirli dodada bıatlon 14:00-de bastalady. Aralas estafetada erler 7,5, áıelder 6 shaqyrymǵa jarys jolyna shyǵady. Atalǵan synda elimizdiń namysyn Nıkıta Akımov pen Polına Egorova qorǵaıdy.

Al mánerlep syrǵanaýda qysqa baǵdarlamada saǵat 22:00-den bastap erler arasynda Nıkıta Krıvosheev, Mıhaıl Shaıdorov pen Dıas Jırenbaev saıysqa túsedi.

Caǵat 20:30-de shaıbaly hokkeıden áıelder arasynda Qazaqstan men AQSh kezdesýi bastalady.

Qazirge deıin Qysqy ýnıversıadada el quramasy qorjynynda 2 altyn, 3 kúmis, 1 qola medal bar. Frıstal -mogýldan Anastasııa Gorodko eki márte chempıon atandy.

Al frıstal-mogýldan Aıaýlym Ámrenova, parashańǵydan Denıs Zınov, frıstaıl-mogýldan erler arasynda Anton Bondarev kúmis alsa, parashańǵydan Roman Qurbanov qola medal ıelendi.