Qysqy Ýnıversıada: 15 qańtarda qazaqstandyq jastar qandaı sport túrlerinen saıysqa túsedi

ASTANA. KAZINFORM - Búgin, 15 qańtarda Italııanyń Týrın qalasynda 2025 jylǵy Qysqy ýnıversıadanyń ekinshi jarys kúninde qazaqstandyq sportshylar shańǵy jarysy (erler, áıelder), parashańǵy jarysy frıstaıl juptyq-mogýl jáne shaıbaly hokkeıden synǵa túsedi.

Saǵat 13:30-de shańǵy jarysy (10 shaqyrym) erler arasynda Ernur Beksultan, Ámirǵalı Muratbekov, Іlııas Isabe, Nartaı Turlybekuly, Sultan Bazarbekov jarys jolyna shyǵady.

Odan keıin 16:00-de áıelder arasynda Laýra Kınebaeva, Marııa Geraşenko, Anastasııa Rotova, Elızaveta Tolmacheva, Ásem Jumaǵazıeva jáne Alesıa Bochkareva el namysyn qorǵaıdy. 

Sondaı-aq 14:00-de parashańǵy jarysynan (10 shaqyrym) Denıs Zınov pen Roman Qurbanovqa senim artamyz. 

Saǵat 15:00-de frıstaılda juptyq-mogýldan Anastasııa Gorodko, Aıaýlym Ámrenova, Fedor Býgakov, Anton Bondarev, Semen Rýsakov, Maksım Emelıanov saıysqa túsedi. Al 19:00-de fınaldyq saıys bolady. 

Ekinshi jarys kúnin saǵat 00:00-de shaıbaly hokkeıden erler arasynda Qazaqstan - Kanada kezdesýi túıindeıdi. 

Aıta ketsek, Erler arasyndaǵy shaıbaly hokkeı oıyny, parashańǵy jarysy (10 shaqyrym) uıymdastyrýshylar tarapynan telearna men saıttan kórsetilmeıdi.

Qalǵan oıyndardy «Qazsport» telearnasynan tamashalaýǵa bolady. 

Eske salsaq, budan buryn Qysqy ýnıversıadada hokkeıden Qazaqstan erler quramasy Ońtústik Koreıany iri eseppen jeńdi.