Qysqy sport túrlerine bólingen 13,3 mlrd teńge qaıda ketip jatyr – mınıstr jaýaby

ASTANA. KAZINFORM – Týrzım jáne sport mınıstri Erbol Myrzabosynov Úkimet otyrysynan keıin ótken baspasóz máslıhatynda qysqy sport túrlerine bólingen qarajattyń qaıda ketip jatqanyn túsindirdi.

- Siz aıtyp otyrǵan 13,3 mlrd teńge qysqy sport túrleriniń bárine 4 jyldyń ishinde bólingen. Onyń ishinde eńbekaqy tóleý qorynan bastap oý-jattyǵý jıyndaryna, issaparlarǵa deıingi shyǵyndar da bar. Zamanaýı qural-jabdyqtar, medıtsınalyq súıemeldeý, bıologııalyq jaraqtandyrý da sonyń ishine kiredi. 20 óńirdiń bári osy qarajattan aldy, - dedi Erbol Myrzabosynov.

Mınıstr bul qarajattyń 80 paıyzy bıýdjetten alynǵanyn atap ótti.

- Bul somanyń shamamen 10-20 paıyzy bıýdjetten tys kózderden alyndy, - dedi ol.

Buǵan deıin Astanada qysqy sport túrlerine arnalǵan biryńǵaı mektep qurylatynyn jazǵan edik.