Qysqy Paralımpıadada Qazaqstan quramasy estafetalyq jarysta 5-oryn aldy
ASTANA. KAZINFORM - Italııada ótip jatqan 2026 jylǵy Paralımpıadada 4×2,5 shaqyrym qashyqtyqta estafetalyq jarysta máre syzyǵyn besinshi bolyp qıdy.
Ulttyq qurama sapynda Erbol Hamıtov, Vladıslav Kobal, Aleksandr Gerlıts jáne Nurlan Ákimov el namysyn qorǵady.
Bul japysta Qytaı quramasy birinshi oryn alsa, odan keıingi oryndardy Germanııa men Norvegııa ózara bólisti.
Qazaqstandyq Erbol Hamıtov dúbirli doda barysynda qazirge deıin bir altyn jáne bir qola medal alyp úlgerdi. Ol búgin para bıatlonnan 4,5 shaqyrymdyq iz kesý jarysynda (otyryp jarysý sanaty) jeńistiń eń bıik tuǵyryna kóterildi. Oǵan deıin 10 naýryzda para shańǵy jarysynan 1500 metrge klassıkalyq sprınt jarysynda qola medal jeńip aldy.
Qysqy Paralımpıada oıyndarynda Qazaqstan ulttyq quramasy para shańǵy jarysy men para bıatlon sport túrleri boıynsha el namysyn qorǵap jatyr. Bıylǵy dúbirli dodada Qazaqstan quramasy para shańǵy jáne para bıatlon sport túrleri boıynsha synǵa túsedi. Halyqaralyq arenada Qazaqstan atynan 7 sportshy baq synap jatyr. Olardyń qatarynda Erbol Hamıtov, Nurlan Álimov, Aleksandr Gerlıts, ıÝrıı Berezın, Vladıslav Kobal, Sergeı Ýsoltsev jáne Anna Gracheva bar.
Eske salsaq, budan buryn Erbol Hamıtovtiń altyn medalinen keıin Paralımpıadada Qazaqstan quramasy 18-orynǵa kóterildi.
